مصطفى بكري يوجه رسالة إلى أغنياء مصر
أكد الإعلامي مصطفى بكري؛ أن الدولة على علم
بما تتعرض له الطبقة المتوسطة من معاناة اقتصادية، لافتا إلى أن الإصلاح الاقتصادي له
بعض الآثار السلبية.
وقال "بكري" خلال برنامج "حقائق
وأسرار" المذاع على قناة "صدى البلد": "حين اتخذ الرئيس قرار
برفع الرواتب إلى 2700 جنيه والإجراءات الأخرى الخاصة بالعلاوات وتعيين المعلمين
سوف تكلف الدولة 20 مليار جنيه".
وأضاف: "في بعض الدول مثل بريطانيا هناك
بعض رجال الأعمال الكبار طلبوا من دولهم فرض ضرائب على الأغنياء لمساعدة الدولة
فيما تتعرض له من مشاكل اقتصادية".
وتابع: "ياتري أغنياء مصر اللي خدوا
مليارات الجنيهات واللي في ناس فيهم بتستخسر تعمل للناس الغلابة ياتري الناس دي مش
عارفة أن الدولة محتاجة دة؟ وأن الدولة في مشكلة وأزمة؟".
وأكمل: "النهاردة لما قدم وزير المالية
تقرير لرئيس الوزراء ورئيس الدولة بالتبعية؛ والرئيس يتخذ قرار زيادة الحد الأدنى
للأجور؛ والرئيس لما قال إنه لو فأيدي أدي الموظف 20 ألف جنيه في الشهر لازم نثق
في الكلمة دي".
وأوضح: "لما بيكون في فرصة لرفع مستوى
المعيشة أو خفض الأسعار الرئيس أول من يتدخل؛ ياتري الراجل دة صادق والا لا؛ لو
مكانش صادق كان كمل مع الإخوان".
وواصل: احنا عايزين بلدنا تتبني وعايزين
نتحمل من أجل بلدنا أنا بناشد الأغنياء ورجال الأعمال بقولهم شوفوا اللي بيحصل برة
وشوفوا الناس اللي بتتبرع؛ البلد بتواجه تحديات كبيرة واللغة اللي أنا بسمعها
الجزيرة مبطلتش ولا مكملين وشغالين واحنا مش هنقعد ساكتين عشان الجزيرة
تشتغلي".
واختتم: "الناس سمعت كلام الرئيس السيسي
وهو بيرد على مراسل إذاعة مونت كارلو؛ هو أنتوا هتخافوا على مصر أكتر مننا؟ هي
فرنسا والا بريطانيا والا أمريكا هتخاف على مصر أكتر من الراجل اللى أنقذ مصر من
الخونة والمتآمرين المدعومين من الغرب والأمريكان والصهاينة".
