عمرو أديب يدعو لفتح المجال للإعلام المصري: "ادونا فرصة يا جماعة"
وجه الإعلامي عمرو أديب رسالة إلى الدكتور مصطفى مدبولي، رئيس الوزراء، بشأن لقائه الإعلامي على قناة "بي بي سي" على هامش منتدى شباب العالم.
وقال عمرو أديب لرئيس الوزراء: "دكتور مصطفى، ده تاني لقاء ليك في التليفزيون، مش ناوي تعمل لقاء مع مذيعين مصريين، مش لازم معايا يعني".
أضاف: "إحنا بقى بتوعك، إحنا الإعلام المصري، مش ناوي يعني (..) هو أنا معرفش أقول الكام سؤال اللي ورا بعض دول، ادونا فرصة يا جماعة".
تابع: "آن الأوان تفتحوا لنا يا جماعة المجال، إنه أقدر أعمل لقاء مع رئيس الوزراء أو رئيس الجمهورية، أنا ملاحظ إن الأسئلة دي مبتجيش غير للإعلام الأجنبي".
