محمد الباز يوجه رسالة إلى عمرو أديب: "اجمد متخافش"
وجه الإعلامي محمد الباز رسالة إلى الإعلامي
عمرو أديب بعد تعليقه على شماتة أعضاء جماعة الإخوان الإرهابية في وفاة وائل
الإبراشي.
وقال الباز خلال برنامج "أخر
النهار" المذاع على قناة "النهار": "قبل ما أبدأ حابب أوجه
رسالة واضحة للزميل العزيز عمرو أديب؛ عمرو كان مخضوض ومفزوع من رد فعل الإخوان من
فكرة أنهم شمتوا في وائل".
وأضاف: "قال عمرو وهو متأثر ان لو حصله
حاجة الناس متسبوش لكلاب السكك تنهش في لحمه وأنا بقوله بنفس أسلوبه في السخرية
أجمد".
وتابع: "شماتة الإخوان في الجزمة ومش
لازم يفزعنا ولا يخوفنا؛ الإخوان بيمارسوا نوع من الإرهاب بالموت والمرض وتصوير
الموضوع كأن المرض غضب من ربنا وعقاب ولكن دي سنة الحياة ناس بتمرض وتموت وناس
تتولد".
وأكمل: "ليه بقول إننا لازم لا نلتفت
للي بيقولوه وأننا لا نتأثر بشماتتهم نحن حق وهم باطل ونحن انحازنا للوطن وهم
انحازوا ضده أنت تتكلم عن الوطنيين والخونة".
وأوضح: "أنا بقول لكل واحد قلقان من
الحكاية دي يا جماعة لا تلتفتوا وناس بتقولك بيدعوا علينا؛ كان ربنا استجاب ليهم
هما دول ناس شردوا في الأرض وإن كان دعائهم مستجاب يدعوا لنفسهم".
وواصل: "أنا بقول بس لعمرو أجمد كدة
متخافش كلها أقدار ربنا ومحدش هيرجع الناس دي عن اللي بيعملوه وشماتتهم كلها على
الجزمة لأنهم خاصموا كل معاني الاخلاق والأديان والالتفات ليهم لا يصح ولا يجوز".
واختتم: "وبالمناسبة نقول لعمرو حمد
الله على السلامة هو تعافى من كورونا الحمد لله ومتقلقش ومتعتبرش أن الناس دي ليهم
قيمة أو لشماتتهم قيمة".
