"الدور الجاي عليك".. أحمد موسى يرد على شماتة الإخوان في وفاة الإبراشي
علق الإعلامي أحمد موسى على شماتة أعضاء
جماعة الإخوان الإرهابية في وفاة الإعلامي وائل الإبراشي والذي وافته المنية بعد
صراع مع الإصابة بفيروس كورونا.
وقال موسى خلال برنامج "على
مسؤوليتي" المذاع على قناة "صدى البلد": "مفيش حد باقي كلنا
راحلون وكل واحد ليه دقيقة وساعة محددة من ساعة ما أتولد ولكن يبدو أن هناك فئة
ضالة شامتة هم أعداء بلدنا؛ جماعة الإخوان الإرهابية فاكرين أن هما اللي هيفضلوا
على مدى الحياة ومحدش فيهم هيموت".
وأضاف: "فاكرين أن هما اللي بيحددوا
ساعة موت أي حد؛ عليهم اللعنات جميعا واحد واحد كلهم خونة وكلهم ربنا يلعنهم
جميعا؛ شماتة غير مسبوقة وعمرنا ما شفنا ده أنه العار من المجرمين اللي بيسموا أنفسهم
من الإخوان أنهم مسلمين ومفيش واحد مسلم عنده هذه الشماتة في واحد مات".
وتابع: "شماتة غير مسبوقة هما بيكرهوا
أي حد يحب مصر لا يمكن تلاقيهم بيتكلموا عن حد تاني؛ اللي بيحب مصر بيشمتوا فيه دا
بيقولك الدور الجاي على أحمد موسى؛ هو أنت أخدت مكان ربنا؟ هو أنت أخدت مكان
المولى سبحانه وتعالى عشان تحدد أن أحمد موسى الساعة الجاية؟".
واختتم: "كلنا هنموت ودا أمر ألهي وكلنا
عارفين أن لنا ساعة محددة؛ ألا أنتوا بتقولوا أنكم مش هتموتوا والله عار على كل
الاخوان دول ينتسبوا للإسلام وعمر الإسلام مكان كدة ولكن وائل الابراشي كان صامدا
في وجه أعداء الوطن عشان كدة عاملين من امبارح حملة في وجه وائل الإبراشي".
