مصطفى بكري: "نتمنى تغيير وزاري.. في ناس كفاياها لحد كده"

أكد الإعلامي مصطفى بكري؛ أن الدولة تعاني من مشاكل وعليها أن تواجهها خاصة وأن هناك جهات من الداخل والخارج تحاول استغلال الأزمات لزعزعة الاستقرار.

وقال بكري خلال برنامج "حقائق وأسرار" المذاع على قناة "صدى البلد": "يجب أن أنظر للمشاكل مش بنظرة أن أنا مش شايف؛ الدنيا مش مستحملة وفي ناس بتحرك من تحت لتحت؛ الدنيا مش كله تمام في مشاكل ولازم نحلها".

وأضاف: "المواقف الإنسانية للرئيس السيسي تقول أن الرئيس مفيش حاجة مستعد يغمض عينه عنها ولكن الرئيس مش بميت أيد لازم فريق العمل الموجود يبقي على قدر المسؤولية في كل خطوة".

وتابع: "إياكم واغماض العين عن مشاكل معينة بزعم أنها ممكن تنتهي؛ أنا بتمنى يحصل تعديل وزاري قريب لأن في ناس كفاياها وخربت الدينا".

وأكمل: "الرئيس السيسي قال إن الفساد مش بس بيسرق مال عام ولكن اللي مبيعملش شغله؛ وفي محافظين مغمضين عنيهم عن الحاجات دي؛ البلد دي مش سهلة والشعب المصري ذاق الأمرين في عصور فاتت".

واختتم: "ياخي لاقيني ولا تغديني؛ أقف معايا أنا تعبان وأنا مع البلد وبحب البلد والرئيس بس أقفوا معانا؛ لازم قدر من سعة الأفق ونستوعب الناس لأن الناس دي هي اللي لينا وهيقفوا معانا وكل فرد في البلد مسؤول عن استقرارها".