والدة فتاة الغربية:"هاتولى حق بنتي"
أكدت الحاجة هناء والدة بسنت خالد فتاة
الغربية المنتحرة بسبب الصور المفبركة؛ أنها لم تشكو لأحد بخصوص أي مشكلة ولم تكن
ترغب في إغضابي لأنني مصابة بجلطة.
وقالت والدة بسنت في مقابلة مع برنامج
"يحدث في مصر" المذاع على قناة "أم بي سي مصر": "لو كانت
حكت كنت هتفهم الموضوع وهاخد لها حقها أنا وحدة ست ولكن بمليون راجل".
وأضافت: "بسنت كانت متفوقة وحافظة
القرآن وكان نفسها تبقي دكتورة زي الدكتور مجدي يعقوب والدنيا كلها كانت بتحكي
بأدبها واحترامها وكانت من الدرس للبيت ومن البيت للدرس".
وتابعت: "مكانش باين عليها حاجة خالص في
الأيام الأخيرة ومكانش باين عليها؛ في ناس من أصحابها عزوني وبعضهم مجاش".
واختتمت: "الاتنين اللي تسببوا في
المشكلة من البلد؛ واحد أكبر منها وواحد كان معاها في الدرس؛ واحد نعرف شكله
والتاني مكناش نعرف عنه حاجة؛ أدعولي بالصبر بس هاتولي حق بسنت".
