تامر حسني يفجر مفاجأة عن أغنية "هو أنت تاني"
كشف الفنان تامر حسني؛ عن مفاجأة في أغنية
"هو انت تاني" والتي قام بأدائها مع الفنان بهاء سلطان والتي طرحت بشكل
غير رسمي للجمهور.
وقال حسني خلال استضافته ببرنامج
"معكم" المذاع على قناة "سي بي سي": "الناس كلها عارفة
أن الأغنية أنا وبهاء سلطان اللي بنغنيها لكن الحقيقة أن مفيش بهاء سلطان وأنا
اللي غنيت كله".
وأضاف: "اللي حصل أني كلمت بهاء وقلتله
نعمل أغنية مع بعض ونفاجئ بيها المنتج نصر محروس؛ وقلتله الساعة 12 هستناك في
الاستوديو؛ كلمته من الساعة 12 لحد الساعة 8 ورد في الأخر".
وتابع: "في الأخر رد بهاء وبقوله هو
احنا صغيرين واحنا مستنينك من الصبح لقيته بيقولي وانت كمان يا تمورة يا حبيبي
حسسني أني بسأل عنه قلتله أنت نايم طيب يا بهاء سلام".
وأوضح: "قلتلهم أفتحوا المايك وسجلت
الحتة بتاعتي والحتة بتاعته بهاء وخدتها وسمعتها لنصر محروس وأول ما جات الحتة
بتاعة بهاء قال معلم؛ قلتله معلم مين أنا اللي معلم أنا اللي غنيت الاتنين".
واختتم: "بعد كدة بهاء سلطان كلمني
وقالي الناس بتطلب مني الأغنية في أي حتة وانا مش حافظ الكلام ولا أعرف بتاعته مين
وقلتله غنيها حلوة".
