بكري يكشف عن إهدار للمال العام في شركة النهضة للأسمنت
كشف الإعلامي مصطفى بكري؛ عن تضارب وإهدار
للمال العام في شركة النهضة للأسمنت بالتعاون مع شركة المحاريث والهندسة وهي شركة
قطاع عام أيضا.
وقال بكري خلال برنامج
"حقائق وأسرار" المذاع على قناة "صدى البلد": " الريس قال بأمارة اية مجالس الإدارات فلوسها بالكوم
والله يا فندم في ناس بتاخد مئات الألاف أعرف رئيس شركة قابضة بياخد مرتب 80 ألف
جنيه وواخد بدلات من شركتين 2 مليون جنيه".
وأضاف: "عندنا في قنا شركة النهضة
للأسمنت حابولها رئيس مجلس إدارة أو عضو منتدب تنفيذي جابوه ازاي؟ الراجل ده بيسكن
بجوار مدير الشركة القابضة بالتجمع ووداه للوزير وقاله ده راجل شاطر".
وتابع: "أنا مش هناقش صلاحيته من عدمها
لكن هناقش تضارب المصالح ومدى تأثيره على المصلحة العامة السيد المدير التنفيذي وأسمه
أ.ش.ك وبيمتلك شركة اسمها التجار الفراعنة وهي بتتاجر في الاسمنت".
وأكمل: "هذكر اللي قاله تقرير الجهاز
المركزي للمحاسبات أن الراجل ده قام بصفته مالك شركة الفراعنة عمل عقد توزيع أسمنت
مع شركة المحاريث للهندسة وكان ماسكها السيد محمد حسنين رضوان اللي ماسك شركة كيما
دلوقت وقال خليك الوسيط لشركتي هتاخد مني أسمنت وتديه الشركتي الخاصة".
وأوضح: "كان الهدف أن شركة المحاريث دي
هتاخد نصيب للربح؛ وعمل عقد بي شركة المحاريث والهندسة وشركة التجار الفراعنة بتعاقد
مع الشركة اللي انا بمتلكها وبجيب وسيط في النص اللي الراجل بتاعها اتكافئ وبقي
رئيس شركة كيما".
واختتم: "ازاي تجعل شركة المحاريث وسيط
وازاي تاخد اسمنت من شركة قطاع عام لشركتك اللي هي قطاع خاص وحمل شركة المحاريث
فلوس تدفعها للضرايب".
