"بابا كان هيبقى وزير".. غادة عبدالرازق تبدي الندم على مسارها الفني

أعربت الفنانة غادة عبدالرازق عن ندمها لدخول الوسط الفني، وقالت: «أنا ندمت على دخول الوسط الفني بسبب تراكمات من حاجات كتير أوي، والتراكمات دي بتوصلك لمرحلة أنك تقول الطريق ده دمرني أوي وأخد مني أوي ومن حياتي وجه عليا».

وأضافت غادة عبدالرازق: «كان حلمي أدخل السلك القضائي، ويا ريتني كنت كملت زي بابا هو اتخرج من كلية الحقوق ودخل مجلس الدولة وكان قبل ما يموت بشهر كان هيبقى وزير الاستثمار».

وتابعت: «أنا مش عارفة ليه مروحتش للسكة بتاعت بابا دي، وروحت في سكة تانية خالص، وباجي في وقت من الأوقات وبقول ياريتني».