تامر أمين يسخر من موسيماني بعد التعادل مع فيوتشر
هنأ الإعلامي تامر أمين؛ جماهير النادي
الأهلي على تجديد التعاقد مع التونسي علي معلول ظهير أيسر الفريق لمدة عامين، لافتا إلى أن اللاعب يعد
أحد أبناء النادي.
وقال أمين خلال برنامج "أخر
النهار" المذاع على قناة "النهار": "قلتلكم أن فكرة ابن
النادي ملهاش علاقة دخل النادي أمتي ولكن لها علاقة بحبه وانتمائه للنادي وتفضيله
للنادي على كل العروض الأخرى وفي هذا على معلول هو البطل ومش عايزين بقى نقول اللي
راح ورا طموحه".
وأضاف: "فيما يتعلق بالأهلي مش عارف
أقول ايه؛ أشوف موسيماني في المباريات الصعبة أصدقه ولما أشوفه في الماتشات السهلة
أستعجب بقيت أحسن أن عنده شيزوفرنيا".
وتابع: "معقول موسيماني اللي عمل ماتشات
بالميراس في كاس العالم للأندية والترجي في أفريقيا والقاضية ممكن يجي بقي
للماتشات العادية في ماتش فيوتشر واحد تاني".
وواصل: "واحد سايب الماتش بمزاجه يفلت
من ايده ومع ذلك جبت جول بمهارة فردية من أحد عبد القادر وبقيت الماتش اكتساح
لفيوتشر وفي الشوط التاني عمل تغييره هي الأعجب بنزول رامي ربيعة اللي ملمسش
الكورة من 16 سنة".
وأكمل: "الشهيد رامي ربيعة من 16 سنة
إصابات وبس والهدف اللي جه أمبارح بسبب عدم جاهزيته ومهاجم فيوتشر قطم بيه لجوه
وعدم جاهزية ربيعة معرفش يلحقه".
وأوضح: "موسيماني ساب لاعب لسة صغير في
الجانب الشمال وفيوتشر عمل عليه شوارع وبعدين نزل على معلول والأهلي رجع في
الدقيقة 80 وراح ساحب أحمد عبد القادر الوحيد اللي قادر على التغيير وبعدها سحب
قفشة وأصبحت الفرقة بلا عقل".
واختتم: "مش عارف كدة نعمل ايه؛ هل نجيب
مدرب للماتشات السهلة ونقوله خليك يا موسيماني للمتشات الصعبة؟ أرجوا إدارة الأهلي
تقعد مع موسيماني وتشوف ايه مشكلته مع المتشات السهلة".
