«نور الدين» ضحية مديره.. قصة انتحار موظف داخل شركة بالتجمع تشعل مواقع التواصل
تداول رواد مواقع التواصل قصة انتحار موظف في شركة دولية تعمل في مجال "كول سنتر"، بسبب توبيخ مديره ما أثار ردود أفعال واسعة.
القصة بدأت بنشر حساب باسم فتاة تدعى روشان بغدادي مقطع فيديو لها روت خلاله تفاصيل انتحار موظف في شركة قائلة: في حاجة حصلت ولازم العالم كله يعرف اللي حصل، من يومين واحد في الشركة نط من الدور الثالث عشان ينتحر، ونط ومات في ساعتها.
وأضافت باكية: أنا كنت واقفة جنبه وهو بياخد آخر نفسه في المكان، أنا لحد دلوقتي مش عارفة أقوم من السرير ولا أدخل المكان تاني، متابعة: يا جماعة أنت كتيم ليدر أو مدير حط نفسك مكان أي حد، أنت مسؤول، لازم تحسوا بالناس اللي تحت إيديكم.
وواصلت بغدادي: "أنت الموظف بيقضي معاك وقت أكتر ما بيقضي في بيته، بتعاملوا الناس على إنه عبيد، إحنا مش عبيد، زي ما أنت عاوزه يتعامل مع الزبائن وبتعاطف معاهم، أنت كمان لازم تشوف مشاكله فين وتتعاطف معاه".
وأكدت قائلة: "الراجل كان واقف جنبي وهو بيموت، بتاع الأمن بقوله ربنا يرحمه قالي الله وأعلم، أنت مين عشان تقول مين ربنا يرحمه ومين ربنا ميرحموش".
وواصلت بغدادي: "مش هتكون مدير شاطر وأنت بتدوس على الناس، اوعوا تستهونوا بمرض الاكتئاب، اللي بيهزر ويضحك معاك بيروح ياخد دواء عشان بس ينام".
وتلقي قسم شرطة التجمع الخامس، بلاغًا مفاده انتحار موظف داخل شركة بدائرة القسم، وبالإنتقال والفحص عثر علي جثة موظف يدعي نور، ملقاة علي الارض.
بعمل التحريات تبين مرور الضحية بضائقة مالية وبالتزامن مع توبيخ مديره له قام بالانتحار بالقاء نفسه من الطابق الثالث.
