مازحه السيسي.. "الحج سعيد" يكشف تفاصيل حواره مع الرئيس
كشف الحج سعيد؛ رئيس شركة السعداء للمقاولات
تفاصيل حديثه مع الرئيس عبد الفتاح السيسي خلال افتتاح أحد المشروعات القومية في
الصعيد.
وقال الحج سعيد في مداخلة هاتفية مع برنامج
"حضرة المواطن" المذاع على قناة "الحدث اليوم": "اتفاجئت
بأن الرئيس بيقول الحج سعيد فين؛ وقال هتعمل كوبري ديشنا ومش هتاخد فلوس فسكت؛
وبعدين قالي خلال هنديلك 25% والباقي لما تخلص".
وأضاف: "أنا عملت محور سملوط والخطاطبة
والرئيس مبيعقدش بيلف على المشاريع كلها وبيبقي فرحان وأسامينا بتكون مكتوبة على
الكباري فبيكون عارف والنهاردة كله شغال ومحدش قاعد".
وتابع: "زمان كان اللي بيعمل المحاور دي
غثمان أحمد عثمان وحسن علام الأصلي وكان الكوبري بيفضل ست أو سبع سنوات عشان
يشتغل".
وأكمل: "العملية اللي كلفني بيها الرئيس
ممكن توصل إلى 2 مليار جنيه وأنا عندي 6 ألاف عامل أهم حاجة يخدوا مرتباتهم ودا
مكسبي والاهم أني أعمل حاجة يستفاد منها الناس".
وأوضح: "كان زمان اتنين بيشتغلوا في
الكباري دلوقت 16 شركة مقاولات من أكبر الشركات الكباري كلها خدت سنتين زي عدلي
منصور وسملوط؛ أول ما جينا نشتغل في محور سملوط عشان نعدي النحية التانية عشان
نركب معدية والنهاردة بتاخد الطريق الشرقي للغربي تلت ساعة".
واختتم: "احنا ربنا رازقنا برئيس
جايبهولنا ربنا؛ هو طيب جدا وربنا بيوفقه والنهاردة في 16 شركة شغالة بتعمل كباري
وانشاءات دا رزق".
