«عيشي أتقطع من مصر الناس بتكره ليا النعمة ليه».. التصريحات الكاملة لـ«حمو بيكا»
تصدر مطرب
المهرجانات حمو بيكا محركات البحث على جوجل، وذلك بسبب سقوطه على المسرح أثناء
حفلة من حفلاته ويرصد «الرئيس نيوز» أبرز تصريحاته خلال الساعات الماضية.
فى البداية
نفى حمو بيكا سقوطه من على مسرح دبي وقال :« مسرح إيه اللي أنا وقعت عليه! اللي
كانت شغالة في الفيديو مزيكا أجنبي، هو أنا دلوقتي بغني أجنبي؟ أنا بخير وبسلامة
وأنا دلوقتي في السعودية وعندي حفلات هناك، مش أنا اللي كنت في الحفلة دي أصلا،
ولا وقعت من على المسرح ولا حاجة، والكلام ده فشر، بيقولوا إني وقعت في دبي وأنا
أصلا في السعودية»
وأضاف حمو بيكا فى تصريحاته التى أثارت
جدلا واسعا على السوشيال ميديا :«اللي يبص لعيشة الناس تحرم عليه عيشته، واللي
بيتكلم عليّا كلمة وحشة تقعدله هو وعيلته، وربنا اللي حطني في الحتة دي، وأنا مش
عارف الناس عايزة إيه مني، أنتوا ليه تكرهولي النعمة؟».
واستكمل حمو بيكا :«أنا لقمة عيشي
اتقطعت في مصر، لكن ربنا بيبعتلي رزقي من حتة تانية، وانتظروا فرع مطعم في الشيخ
زايد قريبا، وانتظروا كافيه ومطعم وجزارة بيكا قريبا في البطاش، وإن شاء الله خلاص
بكره رايح أمضي عقد فرع (بيكا ساندوتش) في جدة بالسعودية، والحمد لله ربنا كارمني».
