تامر أمين: الأهلي رمز لكرامة مصر الكروية

علق الإعلامي تامر أمين؛ على فوز النادي الأهلي ببطولة السوبر الأفريقي بعد تغلبه على الرجاء المغربي بركلات الترجيح في المباراة التي أقيمت بين الفريقين في العاصمة القطرية الدوحة.

وقال أمين خلال برنامج "أخر النهار" المذاع على قناة "النهار": "الأهلي يعني الدهب واسأل عليه القارة؛ خدو بالكلم يعني ايه السوبر الأفريقي أنت مش بس بطل القارة أنت كدة بطل على أبطال القارة لما تلعب مع الفريق بطل الكونفدرالية".

وأضاف: "الشاعر هشام الجخ قال الأهلي مش مجرد كورة الأهلي أصبح رمز لكرامة مصر الكروية؛ أكتر فارس يحافظ عليها وعلى سمعة مصر الكروية هو النادي الأهلي بلا جدال".

وتابع: "شيلوا بطولات النادي الأهلي وشوفوا بطولات مصر في القارة عامل ازاي الأهلي رافع راس مصر كرويا بعد الإخفاق في كأس العرب كان أبلغ رد في الحديث عن كورة مصر كان الأهلي".

وواصل: "مصر فيها أسد اسمة النادي الأهلي بيعرف يجيب حق الأهلي وحق مصر هو ده النادي الأهلي اللي مش بيشبع بطولات وجماهيره مش بتشبع بطولات".

وأكمل: "الشناوي أهدي الميدالية للجمهور قلع الميدالية ورماها على الجمهور استحقاقا أنهم السبب رقم واحد في إنجازات النادي الأهلي بعد ربنا واللقطة التانية اللي عملها في أثناء فرحة الجميع بالبطولة جري نحية الدكة وشد وليد سليمان وقالهم هو دة البطل وهو ده رمزنا رغم أنه مشاركش في الماتش ولا من بداية الموسم".

واختتم: "هي دي المبادئ والقيم أن مفيش نفسنة ومفيش ضغائن الشناوي قال للجمهور هجبلكم اللي يستحق دا أخونا الكبير وشاور للجماهير انهم يهتفوله".