السيسي: "قلت لأخت من أسوان عندي 100 مليون وعايز أعيشهم"
قال الرئيس عبد الفتاح السيسي إن الهدف من الحديث خلال المؤتمرات والافتتاحات المختلفة التوعية، مضيفا: "ممكن نفتتح المشروعات وبنبقى سعداء كلنا ونقول كلمتين وخلاص، ولكن نستدعى الدروس والعبرات لنشكل أرضية فهم مشتركة".
أضاف خلال كلمته في افتتاح مشروعات تنموية جديدة في الصعيد، اليوم الأربعاء: "يعنى أختى من أسوان اللى قالتلى عندها 6 ومش عارفة تعيشهم، طب أنا قولتلها أنا عندى 100 مليون وعاوز أعيشهم.. الرد كان كده".
وتابع الرئيس السيسى: "الموضوع مش كلام جميل ووعود واقولك مش تقلقى وكلنا مع بعض هنخلص، الأجهزة العمرانية في المدن الجديدة.. هل أهالينا لديهم التفهم قد يكون تكلفة الحصول عليها في المكان الجديد أغلى ماليا كرقم مباشر.. ولما بنعمله يقولك احنا هعملها على أرضى ومش هتكون بنفس التكلفة.. واللى جبنه يعملها على ارضه.. وتنتهي الأرض الزراعية.. وفى النهاية بتضيع فرص على نفسك وبلدك".
وتابع الرئيس السيسى: "ولو ده كان وصلكم وقبلتوه انا هقدره.. ولكن أنتم كمصريين هيجى عليكم وقت وتقولوا مش عارفين نعيش والحكومة مقصرة.. لا نقوم نغير ونهد الدنيا.. كل اللى عندك في دماغك هد الدنيا.. ايوه وانا مسئول عنكم بفكر في الدولة المصرية والحفاظ عليها.. إيجاد أسباب نمو مناسبة وتوفير الرخاء على قد ما بنقدر.. في إطار ما المعادلة الصعبة اللى بنتكلم فيها مع بعض".
وصرح السفير بسام راضي المتحدث الرسمي باسم رئاسة الجمهورية، بأن مجمع أسيوط لإنتاج البنزين يعتبر أحد مشروعات الدولة الاستراتيجية في إطار خطط التنمية صعيد مصر، حيث يعد أكبر مجمع بترولى فى الوجه القبلى يهدف لتأمين إمدادات البنزين لأهالي محافظات الصعيد وتوفير تكلفة نقله من معامل التكرير القائمة بالقاهرة والإسكندرية والسويس لمناطق الصعيد المختلفة.
