تامر أمين يكشف حقيقة حلق حسام حبيب شعره
كشف الإعلامي تامر أمين؛ حقيقة الفيديوهات
المنسوبة إليه والتي تشير إلى عرض فيديو للفنان حسام حبيب خلال حلاقة شعره بعد
طلاقه من الفنانة شيرين.
وقال أمين خلال برنامج "اخر
النهار" المذاع على قناة "النهار": "عارفين المثل اللي بيقول
قال ياقاعدين يكفيكو شر السوشيال ميديا؛ عاملة زي اللهو الخفي والضربة تبقي حيالك
منها ومش عارف جاية منين".
وأضاف: "كلمني واحد قال شفت ياريس
الفيديو بتاعك عامل 150 ألف مشاهدة بقوله فيديو ايه قالي الفيديو اللي انت بتكلم
فيه عن حسام حبيب وشيرين ولقيت فيديوهات على السوشيال ميديا بتقولك تامر أمين يعرض
حلق شعر حسام حبيب على الهواء".
وتابع: "المشاهدات الحلوة الكثيرة دي
بارك الله فيما رزق بس عايز أقولكم إن كل الكلام دة ولا ليه أي وجود ومشاهدي
البرنامج لو لاحظتم أني أنا الوحيد اللي مفتحتش بقي في قصة شيرين وحسام حبيب من
ساعة ما أطلقوا والناس استغربت أني متكلمتش".
وأكمل: "مبدئيا لا عرضت فيديو لحسام وهو
بيحلق ولا شيرين وهي بتحلق ولا ليا علاقة بشغل الحلاقين ده خالص وأنا مكلمتش عن
الموضوع ده قبل اللحظة دي خالص".
وأوضح: "أنا لما بكلم عن الفنانين أو
الشخصيات العامة بتكلم عن أفعالهم العامة كنت بنتقد شيرين عبد الوهاب وقتها وشايف
انها أفضل صوت غنائي في مصر وكنت بنتقد أفعالها في الحفلات".
واختتم: "انتقادات من شخص عام في فعل
عام ولكن أسرار البيوت وخراب البيوت وطلاق الناس من بعضها مبدخلش فيه رغم أنه
بيجيب مشاهدات وتريندات لكن يغور لو هيجي من ورا خراب بيوت الناس ".
