حمو بيكا لـ هاني شاكر: هغني في مصر وماضي على أفلام ومتعطلة بسبب النقابة
تحدى مؤدي المهرجانات حمو بيكا، الفنان هاني شاكر نقيب المهن الموسيقية، وذلك بعد إصدار الأخير قرارًا بمنعه عن الغناء، حيث أكد أنه سوف يغني في مصر، لأنه مواطن مصري وله حق الغناء في بلده.
وتحدث حمو بيكا في لايف له، عبر موقع التواصل الاجتماعي فيسبوك، قال فيه: سيبنا في حالنا بقا، بتقول أغني برا مصر ليه يعني؟ أنا مصري وعشت طول عمري هنا، هنغني في مصر ودي بلدنا.
وتابع حمو بيكا: دي مجرد موجة وهنرجع تاني، ودي خامس مرة ليا تحصلي مشكلة، أنا سعيت وكملت عشان معايا ربنا واللي معاه ربنا مبيخسرش.
وأضاف: إحنا مش بنجبر الناس تسمع مهرجانات، اسمع اللي أنت عايزه، إحنا محدش بيدينا حاجة من جيبه، وأنا ماضي على أفلام بس واقفة بسبب النقابة، أنا لو خدت فرصتي كان زماني في حته تانية.
إيقاف حمو بيكا عن الغناء
ومن جانبها، أصدرت نقابة المهن الموسيقية قرارًا، بمنع مؤدي المهرجانات حمو بيكا عن الغناء في مصر، وأوضح هاني شاكر أن بيكا رسب مرتين في اختبار النقابة، رغم محاولات النقابة العديدة لدعمه.
