شيرين: "مش أول مرة أقص شعري.. مكنتش عايزة أسيب عاهة لبناتي"
أكدت الفنانة شيرين؛ أنها بحالة جيدة مؤكدة أنها تمر
بحالة من عدم الاتزان بعد طلاقها من الفنان حسام حبيب.
وقالت شيرين في مداخلة هاتفية لبرنامج
"الحكاية" المذاع على قناة "أم بي سي": "حديث الطبيب
النفسي عني خلال البرنامج كلام محترم ومقدر؛ مفيش مرض نفسي ولكن في حالة عدم
اتزان".
وأضافت: "كان مش ممكن حد يشوفني كدة أنا نزلت شغلي عشان
بناتي شافوني كدة؛ لو مكنتش نزلت شغلي وبينتلهم أن ده نيولوك كنت هسبلهم عاهة طول
حياتهم".
وتابعت: "أنا دماغي بتفرز أفكار طول الوقت ولو
سبتني لدماغي هتاكلني؛ أنا مش أول مرة أقص شعري؛ كنت بضحك الناس في رأس السنة وهما
اتهموني بأني بتريق على البلد وأنا كنت مدبوحة ساعتها".
واختتمت: "الأستاذ هاني شاكر نقيبنا دافع عن مريام
فارس ومدافعش عني ساعتها والنقابة عملتلي تحقيق وأنا عمالة أخد على دماغي بس ربنا
كريم ومهما عملت الناس لما ربنا يكون مع واحد مش هتكسره".
