عمرو أديب عن حلاقة شيرين شعرها: "لما تشوف مصايب الناس تهون عليك مصيبتك"
علق الإعلامي عمرو أديب؛ على الشكل الجديد الذي ظهرت عليه الفنانة شيرين بعد أن قامت بقص شعرها تماما عقب طلاقها من الفنان حسام حبيب.
وقال أديب خلال برنامج "الحكاية" المذاع على قناة "أم بي سي مصر": "شيرين بتعاقب نفسها على حاجة ودي حلقت شعرها ونزلت في أول حفلة ليها الناس كلها بتكلم طيب بتقول اية اللي حصل مليون ست بتطلق كل يوم اية المشكلة يعني".
وأضاف: "المنظر جد مقلق وغريب وهي في النص كدة قالت على فكرة أصالة مش هتقدر تغلبني اية المشكلة ما تطلق وهي قالك أنا مليش غير اهلي وعيالي وفني".
وأردف: "كلنا أهلك ورجالتك، فيه مليون ست اتطلقت وكل حاجة ممكن تتعوض .. لما تشوف مصايب الناس تهون عليك مصيبتك".
وتابع: "شيرين دي ثروة ومهمة جدا لما تتكلم عن خمس ست مطربات في العالم العربي في شرين وأصالة وأنغام تقلق على شيرين وعلى اللي عملته النهاردة يارب أكون فاهم غلط تكون حاجة نفسية فجأة كدة قررت تعمل ده".
وظهرت الفنانة شيرين عبد الوهاب، بشكل جديد كليا وصادم لجمهورها، خلال إطلالتها بحفلها بمدينة أبو ظبي الإماراتية، حيث قامت بحلاقة شعر رأسها بالكامل.
