"استفزاز".. بكري: إنفاق 150 مليار جنيه على عمليات التجميل في مصر
طالب الإعلامي مصطفى بكري؛ الأثرياء بعدم
استفزاز الطبقات الأخرى عبر الإنفاق ببذخ على بعض الأمور غير المفيدة لافتا ما
يحدث لا يرعي ظروف الدولة التي تعاني اقتصاديا.
وقال بكري خلال برنامج "حقائق
وأسرار" المذاع على قناة "صدى البلد": "يا جماعة بلاش المظاهر
الاستفزازية اللي الشعب بيتصدم منها؛ شوفنا في الساحل الشمالي بعض الناس التي
تتعمد الاستفزاز".
وأضاف: "حسب إحصائية رسمية؛ تم إنفاق
150 مليار جنيه العام الماضي على عمليات التجميل؛ 150 مليار جنيه لعمليات التجميل
في بلد فقير في بلد بيعاني في بلد فيه مشاكل كتيرة".
وتابع: "أحد المسؤولين شاف عربية في
العلمين شكلها غريب ولما سأل لقي تمنها 52 مليون جنيه؛ وفي بالطو في منطقة
بالقاهرة الجديدة بسعر 350 ألف جنيه؛ الراجل البائع جاب ستة وباع منهم خمسة وباقي
واحد".
وأكمل: "انتوا مين وجبتوا الفلوس دي
منين وبتتعاملوا مع الشعب دة ازاي؛ الناس مخنوقة منكم؛ بطلوا الاستفزاز شوفوا
البلد فين والريس بيتكلم ازاي وبيطلع الناس من العشوائيات ويحطهم في أماكن
أدمية".
واختتم: "لازم تعيدوا النظر في حاجات
كتير؛ الأخت اللي عايزة تغير مناخيرها بالراحة علينا واللي جاب عربية بـ52 هاتلك
عربية بمليون انما متستفزوش الناس؛ رحمة بالشعب المصري".
