أحمد موسى: حياة كريمة أهم مشروع ينفذ في مصر
أشاد الإعلامي أحمد موسى بمشروع حياة كريمة
لافتا أنه سوف يغير ملايين المصريين في القرى المصرية وأنه تحول حقيقي في الدولة
المصرية.
وقال موسى خلال برنامج "على
مسؤوليتي" المذاع على قناة "صدى البلد": "اللي عاش زيي في
الريف هيحس قد أيه بأهمية مشروع حياة كريمة واللي عايش في المدينة مش هيحس
أوي".
وأضاف: "النهاردة الناس شافت المشروع
وهي بيتعمل؛ شاف مدرسة ووحدة صحية وغاز وإنترنت؛ معقولة دة يبقي في القرى المصرية؛
كنا بنقول أن الرئيس لو معملش غير 3 يوليو يكفي ولكن دلوقت بنقول حياة
كريمة".
وتابع: "بنتكلم عن 60 مليون مواطن وكل
واحد في قرية حاسس أن بلده ليها أهمية وبالنسبالي هذا المشروع أهم مشروع بيحصل في
مصر ولا يضاهيه أي مشروع اتعمل تاني في 100 سنة".
وواصل: "أنا بقول لأني عارف المشروع دة
مأثر عندنا ازاي وعارف أهلي بيستفيدوا منه ازاي؛ الترع اللي كانت أمراض شوف
التبطين اللي بيتم ساعد الناس ازاي".
وأكمل: "هذا الإنجاز وهذا المشروع مشروع
الرئيس عبد الفتاح السيسي والدولة المصرية تتحرك عشان تعمل أفضل ما هو موجود واحنا
بننزل القرى وبنعمل تقارير؛ هو دة اللي بيغير حياة الناس بجد".
واختتم: "60 مليون مواطن أكتر من نص عدد
سكان مصر بتغير حياتهم؛ الناس كانت بتسأل أنا فين بقيت النهاردة بعملك في مكانك
لأنك مش هتسكن في العاصمة الإدارية ولا العلمين".
