حكيم يوضح موقفه من أزمة المهرجانات: الممنوع مرغوب
كشف المطرب حكيم؛ عن رأيه في أزمة مطربي
المهرجانات بعد قرار نقابة المهن الموسيقية بمنهم من الغناء نتيجة عدم حصولهم على
تراخيص للعمل.
وقال حكيم في مداخلة هاتفية لبرنامج
"الحكاية" المذاع على قناة "أم بي سي مصر": "أنا شايف أن
النقابة والرقابة في المصنفات الفنية قايمين بدورهم من منطلق الحفاظ على الذوق
العام وفي نفس الوقت الشباب دول ليهم مشاهدات".
وأضاف: "دا لون جديد والنقابة تؤدي
دورها كل ما نمنعهم الشباب بيروحلهم أكتر بنتكلم على جيل العولمة ومنقدرش نحارب
ثقافة جيل بحاله".
وتابع: "أنا شايف أن النقابة والرقابة
يقوموا الشباب دول مش يمنعوهم نخدهم نعلمهم ازاي يختاروا مفردات الأغاني زي ما حصل
معانا احنا كمان".
وأوضح: "كان رقيب المصنفات كان ليه دخل
بالصورة واسم الشريط واتعلمنا ازاي نكون رقباء على نفسنا الممنوع مرغوب أنا كدة مش
بمنعهم أنا بخلي الشباب يروحلهم اليوتيوب والابلكيشن مخلي الولاد دول متوغلين".
واختتم: "لو سبناهم لوحدهم لو الفن هابط
هيتنسوا ولو الفن يستاهل هيكمل ولا أظن أن الناس تحب الفن الهابط زي أفلام
المقاولات في السبعينات خدت فترة وانتهت وناخد الحلو منهم ونقومه ونعلمه".
