مشادة بين عمر كمال ومحام على الهواء: "سيبك من أسلوب أغلبوهم بالصوت"
دخل مطرب المهرجانات عمر كمال؛ في مشادة على
الهواء مع الدكتور سمير صبري المحامي بعد أن اتهمه بالإساءة إلى مصر خلال حفله
الأخير بالسعودية.
وقال صبري في مداخلة مع برنامج "على
مسؤوليتي" المذاع على قناة "صدى البلد": "احنا عندنا كارثة في
مجتمعنا؛ أن مجموعة اللي طالعين دلوقت متقدرش تقول عليهم فنانين لان الفن رسالة
وإذا كان العمل لا يؤدي رسالة ولا يفهم منه رسالة يبقي نوع من الاسفاف".
وأضاف: "كل اللي بيقدم سواء من الأخ
اللي مع حضرتك أو من اللي اتمنعوا أو من بتوع المهرجانات كلها أغاني هابطة ميتقالش
عليها أي فن" ليرد عمر كمال منفعلا "حضرتك داخل تقيمني وألا تكلم في
موضوع الإساءة بتاع مصر".
وتابع كمال: "أنا بتكلم في موضوع
الإساءة ميقعدش يصنف ويقول معاهم أو مش معاهم" ليرد صبري "سيبك من أسلوب
أغلبوهم بالصوت دا أسلوب حواري مينفعش معايا وبعرف أرد عليه".
وأوضح صبري: "هما يطلعوا عندنا يقول
خمور وحشيش وكل الاسفاف اللي بيحفظوه للأجيال اللي طالعة يروحوا هناك يقولوا تمور
وحليب هو احنا مكتوب علينا نسمع القرف دة ويروحوا هناك يقولوا كلام تاني".
