عمر كمال: "لم أسيء لمصر.. كنت بهرز مع السعوديين"

نفى مطرب المهرجانات عمر كمال؛ أن يكون قد قام بالإساءة مصر خلال إحياء إحدى الحفلات بالمملكة العربية السعودية لافتا أنه لا يعرف لماذا يتم الهجوم عليه.

وقال كمال في مداخلة مع برنامج "على مسؤوليتي" المذاع على قناة "صدى البلد": "كنت بهرج مع الجمهور السعودي والسعودية المصدرة الأول للتمور ومجبتش سيرة مصر ومقلتش حاجة أصلا ولا قلت السعودية أرض مقدسة".

وأضاف: "أنا عايز أعرف أنا بتحاسب ليه أنا عايز أعرف آنا بتعاقب ليه وقلت أيه لو وقفت قدام قاضي في البلد هيقولي فين إثباتك؛ ومقولتش الكلام دة خالص فين الكلام دة يجيبولي أني قلت كدة".

وتابع: "أنا زيي زي الناس وفوجئت بأني متحول للتحقيق وكنت بهرج مع السعوديين في حته التمور والحليب لأنهم مرتبطين بالكلام ده أنا راجل محترم وابن ناس وبحترم المسرح اللي طالع عليه".

وأكمل: "أنا طالع السعودية بفرقتي عشان أنفذ قرار النقابة ومحدش برة هيقولي أنت فرقة والا فلاشة لكن أنا بنفذ قرار النقابة ودي تكلفة إضافية عليا".

واختتم: "محدش أخطرني بأن في تحقيق في النقابة ومحدش كلمني ولا رفع عليا حتى سماعة التليفون ولا قالي أنت بتعمل ايه".