هاني شاكر: عقاب عمر كمال كبير
أكد الفنان هاني شاكر؛ نقيب المهن الموسيقية؛
أن الجميع استفزه تصريحات مطرب المهرجانات عمر كمال الأخيرة حول استبدال الكلمات
في أغنية بنت الجيران.
وقال شاكر خلال برنامج "على
مسؤوليتي" المذاع على قناة "صدى البلد": "ما حدث واجبنا
والجميع استفز من هذا الكلام والمقارنة؛ وكان اهتمامنا منع أي كلام خارج ليس فقط من
أجل أبنائنا؛ لا يمكن أن نقول هنا كلام وفي الخارج كلام أخر؛ وكل بلد مقدسة لدى
أهلها".
وأضاف: "لما انت عارف أنك بتعمل غلط
بتعمله هنا ليه في مصر؟ يعني إيه أقول هنا كلام عشان أرض طاهرة وأرض مصر طاهرة
بردو وكل أراضي بلادنا العربية طاهرة وبندافع عنها بدمنا؛
وتابع: "احنا بنستنهض الدولة كلها عشان
احنا تعبنا أن تساعد النقابة في تقنين أوضاع الموسيقي في مصر في إنتاج كثير من
الأغاني والأفلام والمسرحيات والمسلسلات التي تعطي انطباع جميل لشهامة الإنسان
المصري ومنشوفش مسلسلات بتكلم عن البلطجة والخمور في رمضان".
وواصل: "احنا في مشكلة كبيرة وكل مدى
الدنيا بتزيد وفي كلام على اليوتيوب والله ما ينفع؛ احنا رايحين فين بأولادنا
ويقولك أصل هاني شاكر بيتلكك عشان يوقف دة ودة؛ ساعدونا شوية نعيد للفن
رونقه".
وأكمل: "أنا استغرب من الكلام ومش
مصدقين أن مصر يتقال عليها الكلام بالشكل دة وكل واحد فينا أرضه غالية عليه بتقول
أنت هنا الكلام دة وعارف أنه غلط ومتقولوش أنه برة؛ بلغنا عمر كمال بموعد التحقيق
وجاي بكرة ويثبت للجنة وفي عقاب كبير".
واختتم: "هيكون في وقف بس لسة لما نشوف
اللجنة الغلط المرادي مش غلط شخصي دا غلط في البلد؛ دي إهانة لسمعة بلد".
