أحمد موسى عن أداء مصر أمام لبنان: "معندناش منتخب.. وكيروش مبسوط على إيه؟
علق الإعلامي أحمد موسى؛ على أداء المنتخب
الوطني أمام نظيره اللبناني في افتتاحية مباريات المنتخبين ضمن منافسات كأس العرب.
وقال موسى خلال برنامج "على
مسؤوليتي" المذاع على قناة "صدى البلد": "مستر كروش بصراحة
اللي شفناه في ماتشنا مع لبنان يخليك تضع علامات استفهام؛ كتب أنا فخور بيكم يا
شباب وإن الجماهير فخورة بيكم هو احنا كنا بنتفرج عن منتخب غير اللي انت بتكلم عنه؟
وأضاف: "فريقنا متواضع للغاية مفيش
مثابرة ولا روح وبقول لمستر كيروش الجماهير ليبست فخورة وغاضبة وفي فارق مستوي كبير
بينا وبين المنتخب اللبناني".
وتابع: "لاعبيتنا أنانية وشريف ضيع
هدفين ومصطفى فتحي أناني جدا بيرقص كتير وعايز يسجل لوحدة واللي ظهر عمرو السولية
ومع تقديري للكل معندناش منتخب".
وواصل: "اللي شفناه ماتش في المتناول
بالتلاته والأربع أهداف؛ الجزائر كسبت السودان أربعة والمغرب كسب فلسطين أربعة ولو
فضل المستوى دة هيكون عندنا مشكلة في كاس العالم هتلاعب منتخبات كبيرة".
وأكمل: "كيروش مبسوط على أية على اللي
عملناه النهاردة؟ الجمهور وراك والناس بتشجعك بأعلي صوت وأكبر عدد في الاستاد مصر
اية مطلوب تاني عشان تقدم ماتش حلو لا ماتش حلو ولا أعداف حلوة ولو مكانتش ضرب
جزاء كنا اتعادلنا".
واختتم: "اللبانين مبسوطين جدا بالنتيجة
ولهم حق اية اللي باسطك يا كابتن بالأداء النهاردة هنعمل اية مع الجزائر شيء لا يليق
بالمنتخب الوطني على الإطلاق".
