"شوفلك حد ينضف قلبك".. حمو بيكا يرد على تامر عبدالمنعم
رد مطرب المهرجانات حمو بيكا على
التصريحات الهجومية التى أطلقها تامر عبد المنعم ضده.
وقال حمو بيكا من خلال منشور له على
صفحته الرسمية على الفيس بوك: «رداً علي كلام المدعو تامر عبد المنعم.. الحمد لله انا مش مستني حد زيك يقولي اقرأ او مقراش .. انا معايا اخواتي هما عيني وضهري .. انا بقي اللي بقولك شوفلك حد ينضف قلبك من التنمر اللي
فيه».
وأضاف: «يمكن ربنا يكرمك وتلاقي اللي ييدك
دور تمثله ولا حاجة .. وحسبي الله ونعم الوكيل في كل شخص معاه سلطة وبيتحكم في خلق
الله احنا معانا ربنا مش سلطة وقرارت وحقي هاخده».
كان تامر عبدالمنعم هاجم مطرب المهرجانات حمو بيكا بعد حديث الأخير عنه، بأنه أكثر وطنية منه.
وكتب "عبدالمنعم" عبر حسابه على"فيسبوك": "السؤال للدكتور حمو بيكا ولا ما حموهوش.. أنا ما هاجمتكش أساسًا، كل الموضوع إني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الإمتحان وربنا معاه يعني ما منعكش".
وأضاف: "أما بالنسبة لوطنيتك اللي اقحمتها في الموضوع.. أحب أقولك أنا لم أشكك فيها، وبالمناسبة وجودك أنت وفرقتك في احتفالات أكتوبر مش دليل عشان تستند عليه، شكرا.. نسيت أقول لك شوف حد بيعرف يقرأ عشان يقرأ لك".
