نشأت الديهي: "الناس مش عارفة تعيش في بيوتها بسبب مشروع ساويرس"
هاجم الإعلامي نشأت الديهي؛ رجل الأعمال نجيب
ساويرس بسبب مشروع زد الذي يمتلكه في مدينة الشيخ زايد لافتا أن المشروع يعد نشاز
في المدينة.
وقال الديهي خلال برنامج "بالورقة
والقلم" المذاع على قناة "تن": "واجهت منذ قليل مشكلة تحتاج
إلى كلمة حق؛ أسكن في الشيخ زايد والمكان اللي بسكن فيه جنبه مشروع زد اللي الدولة
وافقت للمستثمر نجيب ساويرس عليه والدليل أن الدكتور مصطفى مدبولي راح افتتاح
تجريبي".
وأضاف: "هذا أمر والممارسات على الأرض
أمر أخر؛ لأول مرة نجد أبراج ترتفع 20 دور وأكثر وترفع من نسبة التلوث والزحام
والكثافة السكانية".
وتابع: "قدام مشروع زد في عربيات نقل
مواد البناء وشغالة بشكل يومي 24 ساعة وبوجه رسالة إلى رئيس الحي بأن شاحنات مواد
البناء تسير في الطريق العكسي بسرعة جنونية ومعاه مواد بناء".
وأكمل: "أنا شفت بعيني أكتر من مرة
حوادث لأن العربيات بتمشي بشكل عكسي كل الناس اللي بتكلمهم بيردوا عليك بطراطيف
مناخيرهم؛ مشروع زد حالة نشاز داخل الشيخ زايد".
وأوضح: "أنا ساكن جنب زيد وأنا جاي في
حالة صداع لأن مش عارف انام؛ كل يوم حفلات صاخبة ومتعرفش حفلة بمناسبة اية ومفيد
حد يتحمل في بيته هذا الشكل".
واختتم: "مينفعش أبقي في بيتي مش عارف
أنام وبفتكر أني في حالة حرب؛ كل يوم ألعاب نارية وحفلات صاخبة راقصة ولا حد عارف
يزاكر والناس مش عارفة تعيش في بيوتها".
