عبد الباسط حمودة يؤيد هاني شاكر: "كنت بروح المصنفات 5 مرات عشان أغنية"
أكد المطرب الشعبي عبد الباسط حمودة؛ أنه
يؤيد قرار الفنان هاني شاكر نقيب الموسيقيين بمنع مطربي المهرجانات من الغناء.
وقال حمودة في مقابلة مع برنامج
"الحكاية" المذاع على قناة "أم بي سي مصر": "الأستاذ هاني
شاكر عنده حق؛ بيقولك احنا هنعمل امتحان؛ اللي يغني وينجح على عيني وراسي واللي
مبيغنيش هعمله ايه وطبعا لازم يكون معاه كارنيه وتصريح ومصنفات وسياحة".
وأضاف: "أنا من السبعينات كنت بروح
المصنفات يقولولي دي لا وتروح خمس ست مرات لحد ما تنزل الاغنية كان زمان في تدقيق
جامد دلوقت مفيش".
وتابع: "أنا بغني من 40 سنة وكنا جيل
بنحب بعض وبنسمع الأغاني لبعض والأستاذ هاني مش عايز لفظ وحش وهاني شاكر أستاذ وفنان وقيمة وقامة وعارف هو بيعمل ايه واحنا مش هنلومه بحاجة".
واختتم: "كل الناس بتاكل عيش هو ما
منعكش تاكل عيش بس قول الحاجة الحلوة مع أن في عيال في المهرجانات بتغني كويس وفاهمة؛ وعلى أيامنا لو
كان في الحاجات الجديدة دي كانت الأغاني حققت ملايين الملايين لكن على أيامنا كنا
عشان نكلم في التليفون نمشي 3 كيلو".
