هاني شاكر ينفعل بسبب رقص أطفال في حضانة على "بنت الجيران": "عشان شاكوش يتبسط"
أكد الفنان هاني شاكر؛ نقيب المهن الموسيقية؛
أن القرارات التي أصدرتها النقابة بخصوص مطربي المهرجانات صدرت منذ أكثر من
شهرين.
وقال شاكر في تصريحات لبرنامج "خط
أحمر" المذاع على قناة "الحدث اليوم": "أعلنا كشف مطربي
المهرجانات الممنوعين من النقابة لأن الكشف طلب منا مؤخرا ومنهم من هم ليسوا أعضاء
أو موقوفين من النقابة ومنهم من هم ليس لهم علاقة بالنقابة من الأساس".
وعن الفيديو المتداول لغناء أطفال بمدرسة
حكومية لأغاني المهرجانات في طابور الصباح قال شاكر: "نرسل هذه الرسالة إلى
معالي وزير التربية والتعليم وهناك فيديو أخر لأطفال في الحضانة ويقومون بغناء
أغنية بنت الجيران وفيها كلمات الخمور والحشيش".
وأضاف: "عشان حسن شاكوش وعمر كمال ينبسطوا؛ وحسبي الله ونعم الوكيل في اللي بيخرب في البلد وفي أخلاق ولادنا
وإن شاء الله حسابهم عند ربنا كبير كلهم".
وتابع: "أنا أطمئن الجميع؛ أقسم بالله
العظيم لو الدنيا كلها ضدي وأنا واقف أنا وخمسة أو عشرة أنا عارف أننا هنكسب لأن
ربنا معانا؛ يعملوا اللي هما عايزينه".
وأكمل: "إحنا في حالة حرب واللجان
الإلكترونية بدأت تتطاول وتشتم وكل ده معروف مين اللي وراه ولكن زي ما قلت لو
الدنيا كلها في كفة وأنا ومجلسي في كفة هنفضل مكملين؛ مصر تستاهل الخير
والدعم".
واختتم: "ياريت يبقي في وقفة من الدولة
كلها وهما خلاص قدموا اللي عندهم واللي عندهم ده لا يصلح أنه يكون وجهة
لمصر".
