أحمد موسى يعلق على فشل مفاوضات إنتاج السيارة الكهربائية

علق الإعلامي أحمد موسى؛ على بيان وزارة قطاع الأعمال العام والذي أشار إلى فشل المفاوضات الخاصة بإنتاج أول سيارة كهربائية مصرية.

وقال موسى خلال برنامج "على مسؤوليتي" المذاع على قناة "صدى البلد": "الفترة اللي فاتت دي كلها بقول كلام لا عندي دراسة جدوى ولا عقود والمفاوضات توقفت؛ طيب أنا اكلمت ليه من الأول؟ ليه نكلم ونجيب عربية ونجرب وعربيات تجري في الشوارع".

وأضاف: "قعدنا نكلم ونسأل السيد الوزير وسألنا عن المحطات واتكلمنا؛ وكل دة كان واحنا موصلناش لاتفاق؟ ايه السبب؟ ليه؟ لما يكون عندي أمر زي كدة أصبر يا جماعة منستعجلش؛ لية أوهمنا الناس أن العربيات هتبقى في الشوارع؟".

وتابع: "كل دة ومفيش أي حاجة؛ نفاجأ بالبيان اللي بيصدمنا كلنا؛ لما عندي حاجة موصلناش لاتفاق منكلمش في الإعلام؛ البيان قالك الأمر اللي دفع الوزارة لفتح قنوات جديدة مع إحدى الشركات ولسه هنبدأ من الأول وجديد".

وأكمل: "السيد هشام توفيق رجل محترم والوزارة صعبة ومعرفش ايه بيتعمل في الوزارة مشاكلها كتير جدا وتركة ثقيلة جدا والوزارة دي صعبة وهي شيلة تقيلة".

واختتم: "الموضوع مبقاش زي زمان؛ متقوليش بفكر أو بروح لان دي مسألة تؤخذ علينا؛ كان لزمته اية من الأول إذا أنا معملتش حاجة؛ كان أول ما نعمل ونصنع نعلنها للناس؛ أنا بعت ايه للناس والإعلام والرأي العام؟ أن أنا كمسؤول قلت حاجة لن تتحقق؟ لأن العربية اللي أعلن عنها مش هتكون موجودة".