أحمد موسى يعلق على تأجير مواطن سلم على الدائري لصعود ونزول المواطنين
علق الإعلامي أحمد موسى؛ على قيام أحد
الأشخاص بتأجير سلالم خشبية للمواطنين للصعود والنزول من أعلى الطريق الدائري.
وقال موسى خلال برنامج "على
مسؤوليتي" المذاع على قناة "صدى البلد": "في توسعة للطريق
الدائري سيبك النهاردة الدنيا واقفة قد اية وزحمة قد اية ودة لان في شغل بيتم
ومعدات موجودة المواطن من سنة يمكن نفس المشهد اللي هعرضه النهاردة كان حصل
واكلمنا عليه".
وأضاف: "كل مواطن عايز طريق قدام بيته
أو موقف عربيات قدام بيه ولازم أشوف حل عشان أطلع قدام بيتي؛ كل حاجة اتشالت ومش
هيبقي في أي مواقف على الدائري".
وتابع: "في المرج أحد المواطنين عمل
حاجة؛ وزارة النقل بتعمل سلالم مؤقته لتسهيل حركة الناس في مواطن وأتمنى لو في حد عكس
اللي بقوله يصلحلنا الحكاية قرر يساعد الناس وراح جايب سلم الناس تطلع عليه والناس
تنزل".
وأوضح: "دي مش سلالم النقل احمد
المواطنين جاتله فكرة أنه يعمل كدة والناس عايزة تطلع والسلم اللي طالع ياخد منه جنيه
واللي نازل نص جنيه فكرة عبقرية والناس مبتغلبش".
واختتم: "تخيلوا دا يحقق قد ايه؛ سهل
حياة الناس يعني طيب أنا كمواطن مش قادر امشي شوية؛ لو حد سنه كبير أو سيدة هيقدر
يطلع السلم دة وفي ناس ممكن تقع من على السلم".
