أحمد موسى عن منهج الصف الرابع: "المدرسين مش عارفين يشرحوه"
علق الإعلامي أحمد موسى؛ على غضب أولياء أمور
الطلاب من مستوى منهج الصف الرابع الابتدائي والذي وصفوه بأنه غير مناسب للفئة
العمرية لأبنائهم.
وقال موسى خلال برنامج "على
مسؤوليتي" المذاع على قناة "صدى البلد": "بتكلم عن رابعة
ابتدائي مش بكلمك على رابعة جامعة أو خامسة طب أولياء الأمور يوميا بيبعتولنا
وبيقولوا أنتوا متعرفوش رابعة ابتدائي فيها اية السنادي".
وأضاف: "الجميع مع تطوير التعليم ولكن
قد يكون في حاجات خاصة بولادنا محتاجة عقليات أكبر منهم؛ أنا جايب منهجين اللي
عاملين مشاكل؛ كتاب العلوم الفصل الدراسي الأول دا منهج النص الأول للعام".
وتابع: "كتاب الرياضيات 345 صفحة و14
صفحة نماذج اللي في الأخر وقاموس مصطلحات؛ سنة رابعة ابتدائي الكتاب شكله جميل
وشيك جدا؛ المهم اللي جوة الطلبة فاهمين والا لا في مدرسين مش عارفين يشرحوا
المنهج دة".
وأوضح: "بيقولك تأثير الانسان على
البيئة وازاي تتكيف مع هذا الأمر وازاي تتنفس السمكة واعمل نفسك سمكة لو غطست تكتم
نفسك قد ايه".
وواصل: "بيتكلموا عن البطريق اية
البطريق وازاي تساعده على التكيف؛ جسم الانسان دة أخدناه في اعدادي مش في رابعة
ابتدائي؛ قد يكون عايزين الولاد يعرفوا من بدري".
وأكمل: "الولاد بقالهم سنتين في البيوت
والمنهج دا عليهم وعلى غيرهم؛ الولاد كلها بتاخد دروس والمناهج دي خلت الولاد تاخد
دروس في رابعة ابتدائي والحصة بـ 100 جنيه".
واختتم: "الدكتور طارق شوقي حسن النية
جدا وعايز يخلي مدارسنا زي فنلندا ولكن عدد سكانها كام ومش مشكلة لكن المشكلة
البداية في مصر دا والا لا".
