محمد نجاتي يكشف حقيقة علاقته بطلاق منة عرفة

كشف الفنان محمد نجاتي؛ حقيقة علاقته بطلاق الممثلة منة عرفة بعد اتهامه بالتسبب في انفصالهما بعدما أدى مشهد يجمعهما معا في أحد المسلسلات.

وقال نجاتي في مداخلة هاتفية لبرنامج "الحكاية" المذاع على قناة "أم بي سي مصر": "أنا تم الزج باسمي في الحكاية وأولادي بيسألوني عن الحكاية ولقيت اسمي جوة حكاية طلاق ومكنتش متوقع أن الموضوع يوصل للمرحلة دي".

وأضاف: "أنا بعمل مسلسل اسمه فيلا 101 وبيشاركني فيه نجوم ومنه عرفة طالعه اختي وانا دكتور أمراض نسا وهي اغمى عليها ومعايا بنتين في المشهد وكان من الطبيعي أن أنا أشيلها لأني أخوها ولقيتها بتقول وقالتلي أنا ماضية عقد ان محدش يشيلني".

وتابع: "قلت وجودي في المشهد مينفعش وانا احترم ده وخلاص والمخرج قال خلاص نخلي الكلام عن المشهد دة بعدين ودخلت المشهد بعده انها قاعدة على السرير واطلب مني أجس النبض أني بكشف عليها يعني".

وواصل: "قلتلها أنا همسك ايدك بصباعين فرفضت وقالت مينفعش طيب كدة هكشف عليها ازاي معرفش أعمل مشهد الجمهور كدة هيضحك عليا والمخرج أصر على المشهد واليوم خلص وتاني يوم بيقولولي انها انفصلت عن جوزها".

وأوضح: "قيت بعد كدة أن الطلاق ده بسبب مشهد انا عملته وانا معملتش حاجة والمشهد لا يستدعي دة واكتشفت الكلام دة على الانستجرام الخاص بزوجها والصحفيين قالولي كدة بردة".

واختتم: "أنا هكون موجود مع دكتور أشرف زكي نقيب المهن التمثيلية وأشوف الموضوع دة وقلتلهم غيرو السيناريو طالما دة الموضوع؛ وأنا شايف أن دة شكل من أشكال إهانة المهنة لأننا في مهنة محترمة".