تامر أمين يطالب بمكافحة التسول: "حرام تبرعاتنا تروح للمرتزقة"
أشاد الإعلامي تامرر أمين؛ بقرار وزارة
الأوقاف بإزالة صناديق التبرعات من المساجد وحصر كافة الأموال والهبات في الحسابات
الرسمية فقط.
وقال أمين خلال برنامج "أخر
النهار" المذاع على قناة "النهار": "قرار وزارة الأوقاف بمنع
صناديق التبرعات داخل المساجد أنا سقفت له وانا في البيت؛ أنا طول الوقت مش ضامنها
وعارفها ومش عارف اية اللي جواها ومين معاه مفتاحها وبتتصرف على ايه".
وأضاف: "صندوق مرمى جنب الجامع ومتعرفش
مين المسؤول والدنيا سايحة وحسنا فعلت الوزارة وقالت الغي مفيش حاجة اسمها صندوق
تبرعات".
وتابع: "عندك 50 سبيل موثوق فيها
للتبرعات وتقدر تتابع الجنيه من أول ما خرج من جيبك لحد ما توصل للمستفيد وتعرف
فلوسك اتعمل بيها ايه".
وواصل: "في 2009 كنا في برنامج البيت
بيتك وساعتها قلت يا جماعة عندنا وزارة المالية والخزانة العامة للدولة ما المانع
أننا نرجع حاجة اسمها بيت المال ويسمى بيت مال المصريين".
وأوضح: "بيت مال المصريين يصرف على ضعاف
ومعدومي الدخول واللي عايزة تجوز بنتها ومعهاش تجيب واللي عايز بطانية وعلى فكرة
صندوق تحيا مصر شبه كدة".
وواصل: "أنا نفسي أنه مع قرار منع
صناديق التبرعات في المساجد ووزارة الداخلية لازم تشدد على حملات القبض على
المتسولين المحترفين لو في 10 شحاتين في الشارع هتلاقي اتنين بس محتاجين".
واختتم: "مش حرام 80% من تبرعاتنا تروح
للمرتزقة في الشوارع ونفسي وزارة الداخلية هيلاقوا بالزوفة واللي يلاقوه على
البوكس وهيتجاب إما يكون تبع عصابة أو يكون عنده مشكلة فعلا نحلهاله".
