بكري ينتقد بيع أرض الحديد والصلب بـ 500 جنيه المتر: "دي على النيل"
أكد الإعلامي مصطفى بكرى؛ أنه حذر في وقت
سابق من بيع أراضي شركة الحديد والصلب المصرية مقابل 500 جنيه للمتر وهو أقل كثيرا
من قيمتها.
وقال بكرى خلال برنامج "حقائق
وأسرار" المذاع على قناة "صدى البلد": "وزارة قطاع الأعمال
أعلنت عن تراجعها عن بيع أراضي شركة الحديد والصلب وكانت ستباع بسعر 500 جنيه
للمتر واليوم اتخذ قرار يطرحها بالمزاد".
وأضاف: "الكلام دة حصل بعد ما كانت
الشركة القابضة للصناعات المعدنية وقعت عقدا مع الحديد والصلب لنقل 30 ألف متر
مربع من أراضيها لتسوية مديونيات يعني 30 ألف متر مقابل 500 جنيه".
وتابع: "الشركة القابضة سوف تحصل على
قرض مليار و25 مليون جنيه بعد موافقة البرلمان وحذرنا في البرنامج هنا من بيع
أراضي الحديد والصلب بسعر 500 جنيه للمتر مستحيل الأرض قدام التبين على النيل
تتباع بالسعر دة".
وأكمل: "انت بتقول إني عايز أحل مشكلة
العاملين واديهم التعويضات بتاعتهم وقلتوا أن الفلوس جاهزة ودلوقت بندور مع أننا
عطلنا المصنع ووقفنا النمو".
وأوضح: "مثل هذا الأسلوب يحطنا أمام
علامة استفهام وتطلع لايحة من وزارة قطاع الإعمال العام تثير العمال وبلاش ناخد
قرارات ألا ما تكون صحيحة مش بيع بيع بيع".
وواصل: "زي ما اتكلمنا في مشكلة شركة سماد
طلخا وقلنا بتحصل أزمات في السماد وطلخا بتبيع سماد مدعم النهاردة مصير مجهود أمام
الشركة دي".
واختتم: "صدر قرار بتطوير الشركة
واتعملت لجنة فنية للتطوير واللجنة عملت مناقصات عالمية واختاروا منها شركة
للموضوع دة وحصل خلافات ومفيش لا شركة ولا تطوير والموضوع وقف".
