بعد 5 شهور من زواجهما.. انفصال منه عرفة ومحمود المهدي.. التفاصيل الكاملة

وأعلن المهدي، انفصاله عن زوجته الفنانة منة عرفة، عبر حسابه الشخصي بموقع "إنستجرام"، وكتب: "تم الانفصال كل حاجة قسمة ونصيب، وربنا يوفقها في حياتها اللى اختارتها".

وعلى الفور ردت الفنانة منه عرفة على ما أعلنه محمود المهدى حيث قالت فى استورى عبر الإنستجرام الخاص بها، تم الانفصال وربنا يوفق الجميع.

منه عرفة هى ممثلة مصرية بدأت التمثيل للمرة الأولى من خلال مسلسل (السندريلا) مع المخرج سمير سيف في عام 2005، وشاركت بعدها في العديد من الأعمال السينمائية، منها: مطب صناعي، حلم العمر، البيه رومانسي، آخر كلام. وجيران السعد، كما شاركت في جميع مواسم سيتكوم راجل وست ستات.

كانت قد كتبت عرفة مؤخراً رسالة غزل في المهدي عبر حسابها قائلة: "إلى زوجي و رجل احلامي، في كل موقف صعب بيعدي علينا بتثبتلي فيه انك رجل مفيش منه كتير، و في كل لحظه حلوه بتعدي ما بينا بنبهر، أنا إنسانة محظوظة و ربنا بيحبني عشان رزقني براجل زيك، انت السعادة و الفرحة و الأمان الي كنت محرومة منهم عشان مكنتش في حياتي يا حياتي ، انت هديتي من ربنا الي كل يوم و كل لحظة بشكر ربنا عليها، انت العوض الي كنت مستنياه طول حياتي ، غيرتني وغيرت حياتي كلها للأحسن ، جيت بدلت كل الحزن و الوجع و الخوف ب حب و امان و استقرار و زكريات حلوه زيك، انت ارجل و اجدع و احن و احلي راجل انا شفته في حياتي ، ربنا يديمك احلي نعمه في حياتي و يخليك ليا و ميحرمنيش منك و يحميك من كل شر و يسعدك و يفرح قلبك زي ما دايماً بتفرحني ، كل الكلام دا ميوصفش 1% من حبي و احترامي ليك بجد، بحبك يا توأم الروح و الشكل يا من تنتمي له روحي و وجداني و هويتي".