أحمد موسى يروي معاناته من فيروس سي: "قلت مش هاخد العلاج لو هموت"
كشف الإعلامي أحمد موسى عن معاناته من مرض
فيروس سي لسنوات قبل أن يحصل على العلاج بعد أن تفاوضت الدولة المصرية مع إحدى
الشركات الأمريكية المنتجة للدواء لتوزيعه على المصابين ضمن مبادرة 100 مليون صحة.
وقال موسى خلال برنامج "على
مسؤوليتي" المذاع على قناة "صدى البلد": "أنا إنسان كنت واحد
من هؤلاء وقعدت سنوات طويلة مكنتش بتكلم في الموضوع وحكيته من سنتين تلاته وبحكيه
للمرة التانية".
وأضاف: "كنت بروح لدكاترة محدش عارف
بيعمل اية؛ واللي يقول كامن ومش كامن؛ ربنا يكرمه الدكتور محمد الوحش كنت بروحله
لندن كل ست شهور أطمن على نفسي".
وتابع: "أنا واحد من اللي عانوا من
الفيروس اللعين؛ كان ليا زملاء في الأهرام بياخدوا العلاج وقلت لو هموت مش هاخد
العلاج لأن حالتهم كانت بتبقي صعبة".
وأكمل: "تحملت وكافحت المرض وجه الدكتور
محمد الوحش اطمن على الانزيمات وقالي بطل أنواع من الأكل واعمل رياضة؛ ومكنتش ببطل
الأكل؛ كنت بقوله حاضر وباكل".
وواصل: "قعدنا في الحكاية دي كذا سنة
حتى ظهر العلاج؛ العلبة 60-70 ألف دولار والرئيس قالهم شوفولنا الحكاية دي عايزين
نعالج الناس واتحركت الدولة المصرية وهناك حركة كثيرة وتفاوضوا مع الشركة وحصل
والعلبة اللي بـ70 ألف تيجي بـ70 دولار؛ رحت لدكتور جمال شيحة في المنصورة وهو
راجل محترم وعالم وعامل مركز طبي للناس القادر يدفع واللي مش قادر يتعالج
مجانا".
وأوضح: "خدت العلاج شهرين تلاته ورجعنا
نطمن؛ أنا بحكي حكاية حقيقة أني عانيت من المرض والرئيس عبد الفتاح السيسي اللي
عمله كل المرضى وعائلاتهم يقولوا شكرا للرئيس".
واختتم: "مصر اقتربت من إعلان مصر خالية
من فيروس سي وتكون أول بلد خالية بجد حقيقي وشهادة عالمية من منظمة الصحة العالمية".
