أحمد موسى: "أبو جبل كان نجم مباراة القمة"

علق الإعلامي أحمد موسى؛ على فوز الأهلي أمام الزمالك بخمسة أهداف مقابل ثلاثة في المباراة التي أقيمت بين الفريقين ضمن منافسات بطولة الدوري.

وقال موسى خلال برنامج "على مسؤوليتي" المذاع على قناة "صدى البلد": "ماتش الأهلي أمام البنك الأهلي كان أصعب من مواجهة الزمالك أمبارح".

وأضاف: "موسيماني أمبارح لو كمل الشوط الثاني زي الأول كنا وصلنا سبعة أو تمانية؛ لكن كان في رأفة؛ قفشة وعلى معلول وشريف وأيمن أشرف والسولية كلهم نجوم ومحمد الشناوي عمل إنقاذ الكورة اللي اتلعبت تحت العارضة ولو كانت جات كانت غيرت الماتش".

وتابع: "عملنا أمبارح ماتش ولا أروع؛ الشوط التاني حصل إيه؛ أنتوا عارفين موسيماني لما يحب يخرج عن السياق؛ لو كان ساب الماتش زي ما هو؛ تدخلات موسيماني كانت هتضيع الدنيا".

وأكمل: "لو قعد موسيماني وقالوله لو سمحت سيب الفريق دة داحنا كل كورة بنوصل بيها لأبو جبل حارس الزمالك؛ كانت الكاميرا متسلطة عليه وكان نجم المباراة من كتر الاجوال اللي دخلت؛ هو حارس مرمى متميز لكن هيعمل اية وهما مش ماسكين كورة".

وأوضح: "أخر ربع ساعة لما تدخل موسيماني؛ حد يطلع قفشة ومحمد شريف؟ وجود شريف بيعمل خضة في أي فريق؛ لان الكورة في رجله بتدخل الشبكة".

واختتم: "محمد شريف جاب الجول التالت اللي أحلي هدف في التلاتين سنة اللي فاتوا والجول دة مش هيتكرر بمعني الكلمة".