مصطفى بكري عن أفلام العنف: خدوا ملايين وركبوا طيارات على حساب عادتنا وفكرنا
علق الإعلامي مصطفى بكري؛ على تفشي ظاهرة
العنف في المجتمع وتولي جرائم القتل خلال الفترة الماضية بشكل لافت.
وقال بكري خلال برنامج "حقائق وأسرار"
المذاع على قناة "صدى البلد": "جرائم للأسف أصحابها من مدمني
المخدرات التي تذهب بالعقل وتتحكم في الأنسان وتحوله لحيوان مفترس؛ احنا كإعلام
عملنا ايه؟ احنا كمجتمع عملنا ايه".
وأضاف: "الناس والشارع مينساش؛ الفيلم
اللي طالع فيه المثل يشتغل بالسيف وضرب في دة ودة؛ القتل اللي بيتم في الدراما
والإدمان اللي بيتم في الدراما؛ محاولة لصبغ المجتمع بما ليس فيه".
وتابع: "من تلات أربع سنين بدأ شكل
الدراما يتغير ولكن تبقي الأفلام اللي انتجت على حساب المجتمع؛ خدوا ملايين وركبوا
طيارات على حساب فكرنا وعادتنا وتقاليدنا".
وأكمل: "لما بعمل فيلم والا مسلسل
بيشوفه ملايين البشر متقوليش بتعكس الواقع؛ أنت بتعمم الظاهرة والمجتمع المصري
للأسف بيدفع نحيه العنف".
وأوضح: "واحد داخل عشان مختلف مع مراته
يمسك ماية نار ويرميها في وشها ووش أبوها وأمها؛ واحد يرمي عياله من فوق ويقتلهم؛
ليه بقينا كدة؟ هل هي ظروف اقتصادية هل هي الميديا الجديدة والسخافة الموجودة على
وسائل التواصل الاجتماعي".
واختتم: ": "ازاي قاعدين نتفرج على
جريمة الإسماعيلية؛ ولما واحد يروحله يضربه بالساطور احنا مكناش كدة؛ المجتمع
المصري مجتمع أصيل ويتميز بالأصالة والشهامة".
