محمد الباز عن حفل ويجز: "عمرو دياب للبعض بقى عبده الحامولي"
علق الإعلامي محمد الباز على الحضور
الجماهيري الكبير لمطرب الراب ويجز خلال أحد حفلاته الذي اٌقيم منذ أيام بمسرح
المنارة.
وقال الباز خلال برنامج "أخر
النهار" المذاع على قناة "النهار": "امبارح كان في حفلتين
الحفلة الأولى بتاعة ويجز عدد الجمهور كان ضخم وبعض الناس قالوا 30 ألف وفي الحفلة
دي تنسي كورونا".
وأضاف: "ويجز شاب اسكندراني مولود سنة
1998 ولما تدخل على اليوتيوب تشوف الأغاني بتاعته عاملة مشاهدات قد أية والجمهور
بتاعة من دول كتير".
وتابع: "على منصة سبوت فاي قالوا إنه المطرب الأكثر استماعا في مصر قبل عمرو دياب وكل
تاريخه 4 سنوات ولما شوفنا مشاهدات أغانيه لقينا اغنية باسم دورك جاي عاملة 77
مليون مشاهدة".
وأكمل: "الجمهور بتاعه شباب صغيرين
وأطفال موجودين بيسمعوا لويجز أحنا مش بصدد لا إدانه ويجز ولا امتداحه أنا بحاول
أفهم في ملايين بيسمعوه وولادنا بيروحوله الحفلات".
وأكمل: "هو ليه اغنية اسمها منحوس
الاغنية دي تقولك ليه الشباب الصغيرين بيسمعوه ومحتاجين نفهم الظواهر الجديدة دي
في المزيكا".
واختتم: "لما سألوه قال أنا بغني اللي
أنا شايفه وحسه واللي جيلي حاسه وهو بيتكلم عن اللي بيحصل على الأرض باستمرار وفي
ناس من الجيل الجديد بالنسبالهم عمرو دياب زي عبده الحمولي ومحدش بيسمعه منهم".
