أحمد موسى يعلق على تعديلات قانون حماية المنشأت الحيوية
علق الإعلامي أحمد موسى على التعديلات التي
وافق عليها مجلس النواب في جلسه اليوم على قانون حماية المنشأت العامة والحيوية.
وقال موسى خلال برنامج "على
مسؤوليتي" المذاع على قناة "صدى البلد": "النهاردة مجلس
النواب كان في بعض تعديلات على قانون حماية المنشأت العامة والحيوية والتعديلات
تتعلق باستمرار القوات المسلحة والشرطة في حماية المنشآت العامة والحيوية دون
التقيد بفترة عامين كما كان في السابق".
وأضاف: "اللواء ممدوح شاهين مساعد وزير
الدفاع للشؤون القانونية والدستورية ذكر الناس في المجلس باللي حصل في 2011 و2013
وأنهم حرقوا إيه وخربوا ايه".
وتابع: "ممتلكات الشعب 4500 عربية
اتحرقوا و45 محكمة ونيابة هي مش دي ممتلكاتنا؛ قلقان من ايه انت لازم تعمل دة انت
هتسيب مصر عشان يقعدوا يخربوا فاكرين لما كانوا بيرموا زيت على الكباري مش دي
عربية مواطن".
وأكمل: "كان بيقفل كباري ويولع أبراج
كهرباء؛ المنشأت دي بتاعة مين؟ لازم أوفرلها الحماية وميفرقش معايا مين أنا يفرق
معايا أمن بلدي".
واختتم: "أصرف مليارات على القطارات
ويجي يعمل فيها زي ماكان بيعمل قبل كدة؟ وسائل نقل عام وأتوبيسات مش ولعوا؟ حصل
والا محصلش لازم دة يتأمن".
