فيصل خورشيد عن انضمام حمو بيكا لشعبة المونولوج: "حاجة تكسف"
علق المونولوجست الفنان فيصل خورشيد؛ على
الأنباء المتداولة حول نية مطرب المهرجانات حمو بيكا الانضمام إلى شعبة المونولوج
حال فشله في الانضمام لنقابة الموسيقيين كمطرب.
وقال خورشيد في مداخلة هاتفية لبرنامج
"خط أحمر" المذاع على قناة "الحدث اليوم": "احنا في فوضي
غنائية أي حد عايز يعمل أي حادة بيعملها ووجود الفيسبوك والسوشيال أصبحت منفذ لأي
حد".
وأضاف: "عشان ينضم أي حد لشعبة
المونولوج لازم يخضع لاختبارات وهل لو رفضوه كمطرب هل النقابة هتجيزه كمونولوجست
ودا يرد عليه النقابة".
وتابع: "اللجنة اللي بتمتحن المطرب هي
اللي هتمتحن المونولوجست هل من المطلوب أن اللي صوته وحش ومينفعش مطرب يبقي
مونولوجست؟".
وأكمل: "لو دخل الشعبة هتبقي حاجة تكسف
معظم المنولوجست صوتهم حلو ممكن يقدر يوصل من خلاله أنا ضد المنع ومش عايز أمنح حد
ولكن لما يغني ضد قرار النقابة عامل زي الدكتور اللي بيعمل عمليات وهو
موقوف".
واختتم: "النقابة أيديها مغلولة ومعندهاش
سلطة ضبط قضائي ودا موضوع مجتمعي ومشكلة مجتمعية والموضوع بالظبط عامل زي الدكتور
اللي بيشتغل من غير تصريح".
