بصور من خطوبتها الأولى.. والد ياسمين صبري يكذب تصريحاتها عن علاقتهما: "اتجوزت من ورايا"
نشر والد الفنانة ياسمين صبري عبر صفحته الشخصية على موقع التواصل الإجتماعي فيسبوك تعقيبا على حديثها حول علاقته بها، كما أرفق بالمنشور عدة صور لياسمين وخطيبها الأول أثناء حفل الخطوبة.
وكتب والد ياسمين رسالة لها عبر فيس بوك قال خلالها : "بعد ماسمعت اكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره؟، اصدقاءنا كانوا بييجو البيت بيشوفوها ولما كبرت جيبتلها عربية ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي ازاي في كل مراحلها وازاي اتخطبت وعملتلها اجمل حفلة ودي صورها".
واضاف : "الكدب ده بيبرر بالنسبة لها سبب عدم حضورها فرح اخوها ولو اب اهتم بفرح ابنه وزعلان ان اخواته ماجوش مش حيهتم ببنته؟
انا عملت لها حياة كريمة راقية ومحترمة وماكنتش فاكر ان الرد حيكون كده والسر اللي الناس ما تعرفوش انها اتطلقت من الراجل المحترم الدكتور ده بسبب امها لانه حكالي وقالي امها خربت بيتنا".
واستكمل والد ياسمين : "واتجوزت من ورايا وبدون علمي بعد التربية اللي عملتهالها وعشان كده انا مش معترف بجوازها اللي من ورا ضهري ده، وحسبي الله ونعم الوكيل".
