بكري يطالب بتعجيل التعديل الوزاري وحركة المحافظين: "فيه ناس متنفعش"
انتقد الإعلامي مصطفى بكري؛ تفشي
البيروقراطية في بعض مؤسسات الدولة، لافتا إلى أن هناك أزمة في الأسمدة الخاصة
بالفلاحين بسبب الروتين.
وقال بكري خلال برنامج "حقائق
وأسرار" المذاع على قناة "صدى البلد": "خلونا مننساش الغلابة
والفلاحين اليوم وفي تحريك في أسعار الأسمدة وانا اتكلمت مع وزير الزراعة وقالي
الكارت موجود في كل حتة والي مخدش ممكن بالاستمارة وعلى أرض الواقع أنا سألت
والكلام دة موصلش للناس".
وأضاف: "مشكلتنا البيروقراطية في هذا
البلد والروتين اللي مش عايز يدي لحد حاجة؛ طيب الفلاحين دول هيروحوا فين من غير
سماد هتخرب المحاصيل".
وتابع: "النهاردة الشيكارة بـ 165 جنيها وعلى
أرض الواقع هتوصل 500 وفي ناس كتير أوي في الجمعيات ضميرها صاحي أوي بس على
الورق وكويس أن الكارت الذكي دة اتعمل بس يوصل للناس".
وأوضح: "لازم نراعي الفلاح في مشاكله
والعامل الناس اللي هتطبق من اللائحة اللي عملها وزير قطاع الأعمال؛ بنعتبر نفسنا
بلد وطني مستقر عنده مؤسسات وطنية ولكن في نفس الوقت في ناس بتخرب وبتقطع من تحت".
وأردف: "عشان كدة احنا بنستعجل حركة
المحافظين وتعديل وزاري في ناس لازم تتكل على الله متنفعش عايزين ناس على مستوى
المسؤولية".
واختتم: "احنا مستنين قرار صانع القرار
لكن الناس فعلا بتعاني اللي مش عايز يقابل الناس واللي قرفان مننا؛ أتعلموا من
سيادة الرئيس اللي مبيقعدش في بيته".
