الرئيس السيسي: "محدش يقدر يلوي النصوص والعقائد لو كان في فهم"
أشاد الرئيس عبد الفتاح السيسي؛ بالطفل أحمد
تامر؛ حافظ القرآن الكريم، لافتا إلى أنه يعد نموذجا رائعا ويتمنى له التوفيق والنجاح.
وقال الرئيس في مداخلة هاتفية لبرنامج
"يحدث في مصر" المذاع على قناة "أم بي سي مصر" والذي يقدمه
الإعلامي شريف عامر: "تحياتي لابننا أحمد ربنا يحميك ويحفظك من كل سوء".
وأضاف: "أسمحلي أني أهنئك يا أستاذ شريف
لأنه مكانش ممكن يعدي أني أشوف النموذج ده ما ماشاء الله وأسجل تقديري ليك على
السعة والتنوع الكبير في تناولك للقضايا والنماذج اللي بتجيبها كتر خيرك طبعا".
وتابع: "أوجه الكلام لأحمد وأقوله ياحمد
باسم الله ما شاء الله عليك ربنا يحفظ ويوفقك ويحميك أنت وأسرتك وأهني والدك
ووالدتك وأنت عارف يا أحمد إنت إيه؟ أنت حافظ كلام ربنا أعز كلام وفضل كلام وأطيب
كلام البركة كلها معاك".
وواصل: "الحفظ جميع ومهم ولكن الفهم
كمان جميل ومهم؛ أنا حبيت أعمل مداخلة عشان كل اللي بيسمعنا يكون عارف أننا نهتم
باللغة العربية وبحفظ القرأن".
وأوضح: "مهم أوي أن الأسر تكون مهتمة
بأولادها وبناتها وتشوف النقاط اللي ممكن أبنائهم يتفوقوا فيها مش لازم يبقوا زي
أحمد ولكن في حاجات تانية كتير ممكن تكون أنشطة رياضية".
واختتم: "النبت
الجميل بيكبر وبنكون فرحانين بيه كلنا؛ أنا بقول لأحمد وكل اللي بيسمعني مهم أوي
تفهم؛ أحفظ بس أفهم لأن الفهم مش هقول أولى من الحفظ لكن الحفظ لوحده مش كفاية.. الفهم محدش يقدر يلوي النصوص والعقائد لو كان في فهم".
