أحمد موسى يعلق على التناول الإعلامي لواقعة عودة طائرة لمصر للطيران بعد رسالة تهديد
علق الإعلامي أحمد موسى؛ تناول واقعة عودة طائرة لشركة مصر للطيران خلال توجهها إلى العاصمة الروسية موسكو بسبب تهديد بوجود قنبلة.
وقال موسى خلال برنامج "على مسؤوليتي" المذاع على قناة "صدى البلد": "اليوم كان هناك إغلاق بمحيط الكونجرس بسبب تهديد بوجود قنبلة وأيضا اليوم تم إخلاء محطة قطارات في فرنسا بسبب تهديد".
وأضاف: "الكلام دة
بيحصل في كل مكان في العالم لكن تحصل حاجة في مصر يتم التركيز وفتح مجال وناس تكلم
وتستضيف وركز على الموضوع".
وتابع: "في دبي من سنة
ونص كان في طيارة اتحرقت في المطار وهي نازلة والخبر ساعة واختفى وقالوا مينفعش
تروجوا للصور وكفاية وخلاص ولو حد تناول الحادث هيعتبر إساءة لدولة
الإمارات".
وأوضح: "الكلام ده بيحصل
كل يوم؛ أنت في مصر يحصل حاجة الناس تقعد تقولك الحق الطيارة وكوتش الطيارة؛
النهاردة طيارة رايحة موسكو حصل تهديد والموضوع تم التعامل معاه زي ما بيقول
الكتاب".
وأكمل: "التحقيقات
بتتم وبيتم تفتيش الطيارة وتنزل الشنط؛ ومصر للطيران شركة محترمة وأكثرها أمن وسلامة
ومشهود للطيارين المصريين بالكفاءة".
وأوضح: "إشمعني
الطيارة دي؛ أرجوكم أرحموا بلدكم والرحمة ببلدكم؛ لقيت ناس عاملين قصص؛ العالم
بيحصل فيه كده إيه الغريب يعني؟ وارد".
واختتم: "سيبوا الناس وجهات التحقيق تشتغل؛ أكتب خبر ومنقعدش نقول تاريخ بقي مصر للطيران شركة محترمة للغاية".
