أحمد موسى: "الإثيوبيون استغلوا أحداث 2011 وخدعونا"
قال الإعلامي أحمد موسى إن مصر لم تعارض
التنمية في إثيوبيا، لافتا أن الجانب الإثيوبي يأخذ قضية سد النهضة بشكل سياسي وليس
تنموي أو قانوني.
وقال موسى خلال برنامج "على
مسؤوليتي" المذاع على قناة "صدى البلد": "وزير الري الدكتور
محمد عبد العاطي أتكلم عن موارد مصر المائية وهل عندنا موارد غير نهر النيل؟ لا
مقدرش استغني عنه دا حياتي والوزير قال كوباية ماية مش هنفرط فيها ودا الحق بتاعي
مقدرش اسيب الحق بتاعي دا حق كامل مستمر من ألاف السنين ومحدش هيسيبه".
وأضاف: "هي إثيوبيا النهاردة هتعمل
كهرباء السنادي؟ الوزير قال من 2014 إثيوبيا بتقول نعمل كهربا ولما أثيوبيا انتهزت
الوضع الصعب في 2011 وبدأت في بناء السد".
وتابع: "اتكلمنا معاهم نروح البنك
الدولي عشان يعمل عندهم السد وهما رفضوا والبنك الدولي وافق أنه يعمل السد في مكان
تاني وتم التعاقد مع مكتب استشاري نرويجي ومصر لديها نوايا طيبة نحية أثيوبيا وفي
الوقت ده خدعونا وراحوا عاملين السد دة".
وأكمل: "حط إيده وانتهز الفوضى ناس
عندها مشاكل وإثيوبيا خدت الفرصة وراحت تعمل السد. ما لم تكن 2011 لم تجرؤا إثيوبيا
على بناء السد".
واختتم: "لما يحصل عندك مشكلة أي حد
بيستغلها عشان يعمل عندك مشاكل؛ وزير الري قال رحنا واشنطن وإثيوبيا وافقت على
الاتفاق ووزير الري الاثيوبي كتب بايده الأرقام ولما رجع أديس أبابا خدوا الموضوع
في سياق السياسة".
