"اللي شوفته كان زيادة عن اللزوم".. شريف منير يوضح أسباب انسحابه من عرض "ريش"
كشف الفنان شريف منير؛ أسباب انسحابه من
العرض الخاص بفيلم "ريش" خلال مهرجان الجونة السينمائي لافتا أنه لم
يشعر بالاستمتاع.
وقال منير في تصريحات لبرنامج
"الحكاية" المذاع على قناة "صدى البلد: "مش عايز الموضوع ياخد
أكبر من حجمه محمد حفظي منتج الفيلم صديق عزيز وبحترمه وبحبه أنا لما اتفرجت خرجت
وفي مجموعة من الناس خرجت معايا أو بعدي".
وأضاف: "خرجت لأني صورة الفيلم واللي
شوفته كان زيادة عن اللزوم مخلي شكلنا مش حلو اسرة عايشه في عذاب غير طبيعي عايشين
في قذارة رهيبة".
وتابع: "اتخنقت من الفيلم وقلت حتى العشوائيات
مكانتش عايشة بالشكل دة وادايقت انه لما اتعرض برة أخد جايزة بلدنا فيها حياه حلوة
وأماكن حلوة ودا رأيي حاجة متزعلش حد".
وأكمل: "في ناس عايشة في أماكن نضيفه
وحلوة والناس اللي كانت في العشوائيات عايشة بردو في أماكن حلوة الصورة اللي كنا
بنشوفها من أيام حين ميسرة والكلام دة العين لازم تبعد عنها بقي أحنا في جمهورية
جديدة وفي شكل جديد".
واختتم: "وانا خارج محمد حفظي قابلني
وقالي خرجت ليه قلتله أنا منبسطش وقالي أنا بتكلم فنيا قلتله أنا بردو
منبسطش".
