الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
أخبار

هالة صدقي تفسر حالة الغضب من فيلم "ريش"

الرئيس نيوز

علق الفنانة هالة صدقي؛ على فيلم "ريش" والذي عرض في مهرجان الجونة السينمائي واعتبره بعض الفنانين والنقاد يحتوي على إساءة لمصر.

وقالت صدقي في مداخلة هاتفية لبرنامج "على مسؤوليتي" المذاع على قناة "صدى البلد": "شوفت الفيلم وفي حالة غضب شديدة واعتراض شديد لأن مصر بتكبر وفي نهضة تانية؛ في نوعية أفلام خيالية وممكن نعتبره حاجة خيالية ومش واقعية".

وأضافت: "في غربة في الموضوع تحس بتتفرج على فيلم في بلجراد أو ألمانيا قبل الحرب العالمية والقصة عادية وغير أن الناس مش نضاف والفلوس قديمة ومفيش مشهد ألا وفيه سجاير حاجة ثابته في كل المشاهد".

وتابعت: "هو فيلم تجريدي حاجة تجريدية كدة؛ واحنا عشان متحمسين لمصر وللنقلة الكبيرة زعلنا ودا شاب صغير والفيلم اتعرض من أربع سنين ومن 4 سنين مكناش متوقعين أن دة يحصل في البلد وعشان كدة حصل امتعاض شديد جدا في العرض لأننا شوفنا الطفرة لأن دة خارج الموضة حتى لو عندنا عشوائيات دة خلاص".

وأكمل: "مش لازم أبقي قذرة عشان أنا فقيرة بروح أحياء شعبية وبيوت الناس جوة زي الفل المصريين زي الفل وأيوة في فقر وفي ناس معندهاش بيوت والرئيس لسة بيشتغل وعندنا ناس فقرا".

واختتمت: "أنا عندي مشكلة في أني أظهر أن في حد قذر؛ الفن أزواق ودة أخد جائزة النقاد في مهرجان كان السينمائي وبيقولوا الفيلم الكوميدي درجة تانية".